雪豹變獅子， Mac OS X由 10.6時代正式升級到 10.7 Lion， Apple號稱新系統有超過 250項新功能加入，令一班 Mac友為之瘋狂。唔換 Mac又想嘗鮮？ Lion提供最方便升級方法，唔使出街買碟，上網下載搞掂！

App Store下載 Lion
今次 Lion升級有可能係史上最簡單一次，用家毋須出街買安裝碟，更不用為購買哪個版本而頭癢，只需從 Mac上 App Store就可以下載。只要確認正使用以 Intel Core 2 Duo、 i3、 i5、 i7或 Xeon處理器嘅 Mac，就可以用到 Lion，而且售價賣大包，只需 US$29.99（約 HK$234）。購買方式與買 iPhone Apps差唔多，成功購買後會開始下載 3.49GB安裝檔，並且會在 Dock上看到以獅子圖像顯示下載進度。


■點擊 Dock圖示就會開始安裝程式。


■ Mac OS X Lion可從 App Store下載，售價 US$29.99。

安裝只需半粒鐘
下載完成之後，可隨時點擊圖示開始安裝，不過在開始前，最好先用《軟體更新》更新到 10.6.8及利用 Time Machine做好備份工作。穩陣起見最好先接上電源，啟動 Lion安裝程式後經過幾個簡單確定步驟就會開始安裝。記者以一部 2010年 MacBook Pro（ Core 2 Duo 2.4GHz）升級，約花 30分鐘就完成，過程順暢。除了使用較長時間外，其實似升級一般程式咁簡單。完成安裝登入 Lion，即可見到全新登入介面。


■全新登入介面，表明係新開始。


■穩陣起見，安裝前記得駁番火牛。

更多 Multi-Touch操控
新介面最明顯分別，係換了張星雲牆紙！細微方面亦有好多變化，總數超過 250項新加功能，雖然未必每個功能都用得着，不過 Lion對於 Mac友來講，影響最大必然係操控方式。雪豹其實已具備 Multi-Touch操控，但 Lion這方面就更加深入！首先，新加入的 Mission Control就將 Multi-Touch在 MacBook上的優點充份發揮：例如用三隻手指一掃，就可轉到另一個桌面或全屏幕程式；用兩隻手指橫掃就係向上或向下一頁；另外，當然不少得放大縮細等經典操作。太煩唔記得？系統偏好設定內的觸控式軌迹板內，會有動畫介紹，對操作可以一清二楚。


試用報告
1.Launchpad選擇 App

■將 App拉到另一個 App上，就會建立資料夾。

將拇指與三指靠攏就可打開 Launchpad，特別處是將來 Mac上軟件變成 Apps顯示，點擊就可以開啟。此外，將一個 App與另一個重叠就會建立資料夾，用法與 iOS上一樣。

2.全屏幕程式

■《 Safari》全屏顯示時只留一條 Bar顯示網址。

大部份內建及部份 Apple自己程式都已提供全屏幕顯示模式，充份利用整個屏幕，特別適合在 MacBook上使用，大部份都以 Control+Command F作快捷鍵。

3.內置 FaceTime


Lion已內置《 FaceTime》，可以與 iOS的流動裝置展開視像通話。

4.紀錄版本


支援自動儲存及版本，會定時替用家儲存文件，而有需要時更可將文件還原到不同時間的備份版本，處理文件時更加方便。

新機預載 Lion

■ Mac mini$4,688起，開機後會見到已換上新星雲牆紙。

Lion推出的同時， Apple亦推出新規格 MacBook Air與 Mac Mini。前者有 11.6吋及 13.3吋兩款，賣點輕便，配上背光燈鍵盤； Mac Mini則是最便宜 Mac入門機，機身迷你，但需自備顯示器。兩者在 Lion推出時都換上 i5及 i7處理器，效能比上代提升不少。


11.6吋 MBA$7,688起
13.3吋 MBA$9,998起


■ MBA鍵盤加入背光燈。

買新 Mac免費升級 Lion
如果你最近剛好買進新 Mac，就要留意在今年 6月 6日後購買的 Mac，都可以免費升級到 Lion，詳請可到以下網址查詢。[節錄...]

來源:蘋果日報網站